„Ние секогаш ја постигнуваме нашата цел и руската економија ќе биде уништена и ќе плати, ќе одговара за сите свои злосторства“, напиша на Телеграм шефот на кабинетот на украинскиот претседател Андриј Јермак.
Тој додаде дека цената на нафтата требало да се ограничи на 30 долари за барел за „побрзо уништување“ на Русија.
Членките на Европската унија вчера постигнаа договор за ограничување на цената на руската нафта на 60 долари за барел, што е клучен чекор во рамки на западните санкции кои имаат за цел да го преуредат светскиот пазар, така што нејзините цени не дивеат и на Русија да ѝ се отежни финансирањето на војната против Украина. Ограничувањето на цената од 60 долари за барел беше прифатено и од Г7 и од Австралија.
Легенда под Главна слика
Фото: ЕПА
