Претседателот на Европскиот совет

Шарл Мишел го повика Бајден да ги врати во нормала односите меѓу Брисел и Вашингтон

Претседателот на Европскиот совет Шарл Мишел го повика новоизбраниот американски претседател Џозеф Бајден да го посети Брисел по преземањето на функцијата и да ги врати во нормала трансатлантските односи, нарушени во претходните четири години, за време на сегашниот шеф на Белата куќа, Доналд Трамп.

Фото: ЕПА

„Сега е време да ги здружиме силите. Во овој свет што се менува, нашето партнерство ќе биде поважно од кога било за да ги заштитиме нашите граѓани, да ги обновиме нашите економии, да го прекинеме глобалното затоплување и да создадеме побезбеден свет“, рече Мишел во изјавата по денешниот телефонски разговор со Бајден.

Мишел додаде дека „ЕУ и САД секогаш ќе имаат поголемо влијание кога заедно ќе преземат чекори“.

ЕУ честопати се жалеше дека Трамп придонесува за влошување на односите меѓу двете страни и сега се надева дека трансатлантските врски може да бидат вратени на нивото од времето на администрацијата на Барак Обама, кога Бајден беше потпретседател на Соединетите Држави.

Брисел и Вашингтон во последните години се расправаа за најважните прашања, од трговијата и безбедноста до борбата против климатските промени.

Трамп најмногу ги разочара Европејците со воведувањето даноци за увоз на стоки од ЕУ и со напуштањето на Парискиот климатски договор и меѓународниот нуклеарен договор на големите сили со Иран.

Легенда под Главна слика

Фото: ЕПА

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе