Севернокорејскиот лидер ја одредил насоката на односите со Јужна Кореја

Севернокорејскиот лидер Ким Џонг Ун ја одреди насоката во која неговата владејачка Работничка партија ќе се движи во односите со Јужна Кореја и во надворешните односи, извести официјалната севернокорејска агенција КЦНА.

EPA-EFE

Ким минатиот месец побара понапредно нуклеарно оружје и кажа дека САД се „најголемиот непријател на Пјонгјанг“, поставувајќи му остар предизвик на американскиот претседател Џо Бајден само неколку недели откако ја презема функцијата.

Ким, кој ја зацврсти својата моќ на јануарскиот конгрес со именувањето за генерален секретар на партијата, на вториот ден од пленарниот состанок во вторникот и понатаму зборуваше за петгодишниот план на политиката на Пјонгјанг, пренесува Ројтерс.

„Генералниот секретар во извештајот ги откри воените задачи кои народната армија и индустријата за муниција ќе ги извршат годинава, како и насоката на идните акции кои ќе ги преземе сектор задолжен за односите со Јужна Кореја и секторот задолжен за надворешните работи, пред да ја истакне потребата од нивно извршување“, извести КЦНА.

Иако го отворил прашањето за преобликување на односите со Јужна Кореја „како што бараат доминантната ситуација и промената на времињата“, Ким го критикувал Сеул поради нудење соработка во „неосновните“ области како помошта околу ковид-19 и туризмот и кажал дека треба да сопре купувањето на оружје и спроведувањето воени вежби со Соединетите Американски Држави.

КЦНА не објави други детали од состанокот, но извести дека тој ќе продолжи барем уште еден ден.

Легенда под Главна слика

EPA-EFE

Да бидеме реални: регионот на многу начини сè уште е претежно (погрешно) разбран и (погрешно) третиран и меѓународно се нарекува „бурето барут на Европа“.

повеќе

Јане бил свесен дека деновите му се одброени и отворено говорел за тоа. Знаел дека многумина имаат причина да го ликвидираат, дека им пречи во остварувањето на нивните „повисоки цели“.

повеќе

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе