Северна Кореја не се чувствува должна да ги почитува ветувањата бидејќи САД ги кршат

Северна Кореја не се чувствува повеќе обврзана да ги почитува преземените обврски, како што се прекинот на нуклеарните тестирања и тестирањата на интерконтиненталните балистички ракети, бидејќи Соединетите Американски Држави го игнорираа договорениот рок за нуклеарните преговори, изјави денес Џу Јонг Чол, советик на севернокорејската мисија при Обединетите нации, и истакна дека би можеле „да тргнат по друг пат“.

„Немаме причина да бидеме еднострано врзани со обврски кои другата страна не се труди да ги испочитува“, кажа Јонг Чол, советникот на мисијата во ОН во Женева, на конференција за демилитаризацијата под покровителство на Обединетите нации.

Зборувајќи како претставник на Демократска Народна Република Кореја (ДНРК) тој ги обвини САД дека „применуваат исклучително брутанлни и нечовечки санкции“.

„Ако САД продолжат со таквата непријателска политика кон ДНРК, никогаш нема да дојде до нуклеарно разоружување на Корејскиот Полуостров“, кажа тој.

„Ако САД се обидат да спроведат еднострани барања и продолжат со наметнувањето санкции, Северна Кореја ќе биде приморана да побара нов пат“, додаде Јонг Чол.

Северна Кореја предупреди во декември дека би можела да тргне по неодреден „нов пат“ ако САД не ги исполнат нивните очекувања околу новиот пристап во преговорите.

Американски воени команданти кажаа дека тој нов пат би можел да вклучува тестирање ракети со долг дострел кое Пјонгајнг го суспендираше во 2017 година, заедно со нуклеарните боеви глави.

Пјонгјанг одби еднострано разоружување и нема индикации дека намераваат да одат понатаму од изјавите за широка поддршка на концептот на универзално нуклеарно разоружување.

Во претходните пропаднати преговори беше кажано дека би можеле да се откажат од својот арсенал ако САД обезбедат безбедносни гаранции со повлекување на своите војници од Јужна Кореја и повлекување на таканаречените нуклеарни чадори за одвраќање од Јужна Кореја и Јапонија.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе