Северна Кореја испука неидентификувани проектили и ги прогласи разговорите со Југот за „завршени“

Северна Кореја денеска лансираше најмалку два неидентификувани проектили во морето, според војската на Јужна Кореја.

Пјонгјанг го нарече претседателот на Јужна Кореја „дрзок“ и додаде дека меѓукорејските разговори се завршени.

Северот се побуни против заедничките воени вежби спроведени од Јужна Кореја и САД, кои почнаа минатата недела. Пјонгјанг ги опиша вежбите како вежбање за војна.

Северот испушти неколку проектили во морето во последните неколку недели, но Министерството за одбрана на Јапонија соопшти дека во последното лансирање не гледа непосредна закана.

„Неидентификуваните проектили“ беа лансирани синоќа и летаа околу 230 км на височина од 30 км, тврдат воени официјални лица од Јужна Кореја.

 

Северна Кореја ги прогласи разговорите за „завршени“

Лансирањата ги искомплицираа обидите за обнова на разговорите меѓу американските и севернокорејските преговарачи за иднината на нуклеарното оружје на Пјонгјанг и програмите за балистички ракети.

Овие разговори за денуклеаризација запреа и покрај напорите да заживеат на состанокот на 30 јуни меѓу американскиот претседател Доналд Трамп и лидерот на Северна Кореја, Ким Џонг Ун.

Губењето на импулсот во дијалогот меѓу Северот и Југот и ќор-сокакот во спроведувањето на ветувањата дадени на историскиот самит меѓу нивните двајца лидери минатата година, се целосно одговорност на Југот, изјави севернокорејски портпарол.

„Немаме што повеќе да разговараме со јужнокорејските власти, ниту пак имаме идеја повторно да седнеме со нив“, рече портпаролот на Комитетот за мирно обединување на земјата во соопштение што го пренесе официјалната новинска агенција КЦНА.

Американскиот претседател Доналд Трамп и Ким Џонг Ун се состанаа двапати од првиот самит во Сингапур минатата година и рекоа дека нивните земји ќе ги продолжат разговорите.

Сепак, постигнат е мал напредок во програмата за денуклеаризација на Северот.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе