Ново тестирање

Северна Кореја испука два проектили кон Јапонското Море

Северна Кореја изврши нов ракетен тест, лансирајќи два проектили од својот источен брег кои паднале во Јапонското Море, јави јужнокорејската војска. Лансирањето е четврти таков тест овој месец.

Проектилите биле испукани утринава во 6:10 часот по локално време, летале околу 230 километри пред да паднат во водите на Јапонското Море, соопшти Здружениот генералштаб на Јужна Кореја.

Проектилите паднале надвор од ексклузивната економска зона на Јапонија, соопшти јапонската крајбрежна стража.

Последното вакво тестирање беше спроведено на 21 март. Врз основа на фотографиите кои ги објави севернокорејските државни медиуми аналитичарите тоа оружје го идентификуваа како балистички проектили КН-24.

Пјонгјанг месецов изведува воени вежби и покрај тоа што ја затвори границата и воведе карантин во обид да спречи епидемија на коронавирусот.

Политички и економски изолираната држава досега нема пријавено ниту еден случај на зараза, но странските експерите се сомневаат во веродостојноста на информацијата.

Кога почна воената вежба претходно во март, севернокорејските војници околу лидерот Ким Џонг Ун носеа заштитни маски за лице, но на фотографиите од 21 март беа без маски.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе