За сума од милијарда долари

Северна Кореја го уценувала Израел за да не му продаде ракетна технологија на Иран

Книга напишана од поранешен високорангиран дипломат на Северна Кореја открива дека Пјонгјанг го уценувал Израел, со закана дека на Иран ќе му продаде ракетна технологија.

Како што тврди Тае Јонг Хо, кој пребегна во Јужна Кореја во 2016 година, Северна Кореја барала од Израел да им плати една милијарда долари во замена да не му ја продаде на Иран својата технологија за развој на балистички ракети, пренесува Вол стрит џурнал.

„Непристојната“ понуда била изнесена во 1999 година во кафе-бар во Стокхолм, кога се сретнале тогашниот севернокорејски амбасадор Сон Мун Си и неговиот израелски колега Гидеон Бен Ами.

Според тврдењата во книгата, Израел ја одбил понудата, но за два дена испратил нова, контрапонуда, на Северна Кореја да ѝ плати во храна.

Вол стрит џурнал наведува дека не успеал да добие потврда од двајцата амбасадори кои наводно учествувале во размената на понудите, но тоа го натера Вен Ами минатата недела да изјави за израелските медиуми дека, за време на амбасадорскиот мандат, имал неколку тајни средби со севернокорејски дипломати, и тоа во периодот од 1999 до 2002, кои ги иницирал Пјонгјанг.

Се прашувам дали градоначалникот на Охрид знаел дека „кланот" ќе додели јавно признание на вахабист.

повеќе

Македонија треба да започне со процесот на усвојување модел за правно признавање на родот со почитување на фундаменталните права и правото на личен и телесен интегритет на транс луѓето.

повеќе

Парадоксалните судски процеси во државава, сами по себе родија парадокс.

повеќе