Северен тек 2 бара дозвола за последната делница во Германија

Операторот на гасоводот Северен тек 2, кој треба да ги удвои испораките со руски гас во Германија, побара итна дозвола за изградба на преостанатата делница во германските води, соопшти Федералната поморска и хидрографска агенција (БСХ).

EPA-EFE/CLEMENS BILAN

Портпаролката на германската агенција во неделата не прецизираше кога треба да се донесе одлуката.

Северен тек 2 го гради конзорциум предводен од руски Гаспром, а негови членови се францускиот Енџи, австрискиот ОМВ, британскиот Шел и германските Унипер и Винтершал.

Според Северен тек 2, преостанатата делница од гасоводот се наоѓа во ексклузивната германска економска зона и е долга 16,5 километри.

Активистите за заштита на животната средина во Германија предупредија дека трасата на гасоводот поминува во близина на резерватот на птици.

Портпарол на Северен тек 2, чија изградба е при крај и покрај американските санкции, рече дека побарале дозвола уште во декември и дека очекуваат приговори од активистите за заштита на животната средина.

Планираниот гасовод не е спорен само од еколошки причини - американски официјални лица велат дека неговата изградба ќе ја направи Европа премногу зависна од руското снабдување со гас. Полска има сличен став, додека Украина покрај тоа се грижи и за загубата на надоместокот за транзиција на рускиот гас.

Европскиот отпор кон проектот беше нагласен во последните неколку недели со руското апсење на критичарот на претседателот Владимир Путин, Алексеј Навални по враќањето од Германија каде што се лекуваше од последиците по наводниот обид за труење.

Легенда под Главна слика

EPA-EFE/CLEMENS BILAN

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе