Сериозно предупредување до Америка: Иран подготвува воена вежба со Русија и Кина (ВИДЕО)

Русија, Кина и Иран „наскоро“ планираат заедничка поморска вежба во Оманското Море и Индискиот Океан, јави полуофицијалната иранска новинска агенција Тасним.

Веста доаѓа само неколку дена откако САД и Саудиска Арабија го обвинија Иран за нападот врз саудиските нафтени инсталации.

Генералот Гадир Незами, шеф за меѓународни односи и одбранбена дипломатија во Иранскиот Генералштаб на оружените сили, кажа дека вежбите ќе се одржат во меѓународни води, а не во Персискиот Залив, како што претходно се шпекулираше.

„Заедничката вежба ќе биде одржана во северниот Индиски Океан и во Оманското Море. Немаме никакви планови да одржиме таква вежба во Персискиот Залив“, кажа Незами.

„Вежбата има различни цели, вклучувајќи размена на тактички и воени искуства, а некогаш ваквите вежби имаат и политички цели кои ја покажуваат сплотеноста меѓу учесниците. Функционери на ниво на министри за одбрана, началници на штабовите на оружените сили и команданти на оружените сили ќе дојдат во Иран во блиска иднина, а тие акции ја одразуваат активната одбранбена политика на Иран“, додаде иранскиот генерал.

Ако се одржи, ова ќе биде првата заедничка поморска вежба на овие три нации во Индискиот Океан.

Индикативно е тоа што најавата за големата поморска воена вежба доаѓа 24 часа откако САД најавија дека ќе испратат „умерен број“ американски војници и дополнителна противракетна одбрана во Саудиска Арабија.

Затоа може да се заклучи дека Иран сака да испрати недвосмислена порака: ако нѐ нападнете нас, Русија и Кина ќе застанат на наша страна – не само со зборови, туку и воено.

Ајде од понеделник да се посветиме сериозно на „носење на Европа" во нашата држава.

повеќе

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе