Поради урагански ветар

Се урна дел од ѕидините на Кремљ, затворени се приодите кон Црвениот плоштад (ФОТО+ВИДЕО)

Силен ветар во Москва ги оштети ѕидините на Кремљ. Градските власти ги предупредија жителите да останат во затворено, и, ако е тоа возможно, да бидат многу внимателни на улиците и да не ги паркираат автомобилите под дрвја.

EPA-EFE

По силниот налет на ветрот не издржа ни скелето поставено на ѕидините на Кремљ. Ветерот го собори скелето на Црвениот плоштад, и оштети дел од ѕидините.

„Во тек е реставрација на дел од ѕидот од Спаска кула до Сенатската кула, а работите се сопрени поради ветрот“, кажа шефот на одговорниот оддел на Федералната служба за безбедност Денис Симонов.

Скелето и ѕидот се делумно урнати, додаде тој истакнувајќи дека никој не е повреден.

Приодите кон Црвениот плоштад сега се затворени од сите страни, јави агенцијата ТАСС.

Плоштадот е затворен поради уривањето.

Ова не е првпат ветар да нанесе штета на московски Кремљ. Во јуни 1998 беа урнати околу 200 стебла и оштетени неколку ѕидни огради, а во април 2018 делумно беше однесен дел од палатата на Сенатот.

Во невремето е скршен еден од 1.045 „заби“ на ѕидините.

На снимката објавена на социјалните мрежи се гледа како паѓа скелето од долгиот ѕид на Кремљ меѓу Спаската кула и Лениновиот мавзолеј.

Работите на обнова на ѕидините на Кремљ, кои имаат 20 кули и го изградиле италијански архитекти на крајот на 15 век, траат веќе неколку години.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе