По експлозиите

„Сцена од постапокалиптичен филм“: руските спасувачки операции во епицентарот во Бејрут (ВИДЕО)

Спасувачките екипи од Русија ги почнаа своите операции за пребарување низ урнатините по двете масовни експлозии во либанската престолнина Бејрут, додека преживеаните доаѓаат по медицинска помош во новопоставените болнички шатори.

Екипите на руските спасители и нивните кучиња-трагачи пристигнаа во Бејрут во петокот и брзо почнаа да ги бараат преживеаните што се заробени под огромните силоси од жито во близина на пристаништето, во самиот епицентар на експлозиите. За силосот полн со пченка - кој претрпе сериозни штети - се вели дека заштитил дел од околната област од најлошите експлозии.

Спасувачите за РТ велат дека доколку постои можност да се најде некој жив на местото на катастрофата, тие се подготвени да работат и ноќе.

Рускиот контингент формира и голема теренска болница за да го олесни товарот на веќе преполните болници во градот.

„Јас имам голема, неверојатна среќа што сум жив“, извика еден од преживеаните, чие лице се чини дека е сериозно повредено од експлозиите. „Не можам да ја заборавам експлозијата, звукот, сликите“.

„Буквално видов делови од човечки тела фрлени на главниот пат, видов рака, видов две нозе“, се сеќава тој.

Рускиот болнички комплекс изгледа како мал шаторски град, подигнат во текот на ноќта на претходно празно место. Планирано е проширување на локалитетот, бидејќи околу 5.000 луѓе се повредени во експлозиите, а здравствените служби во Бејрут се преплавени.

Двојната експлозија во Бејрут уби најмалку 154 лица и остави 300.000 бездомници, според официјалните лица. Разорениот град сега личи на активна воена зона, физички и финансиски уништен.

„Од сите места каде што сум бил, освен активните воени зони“, вели репортерот на РТ додека ги набљудува урнатините, Бејрут по експлозиите „најмногу личи на сцена од постапокалиптичен филм“.

Добро е, во прво време, г. премиер, да го поттикнете Вашиот министер за култура да најде погодна форма да се преобјави книгата „По повод најновиот напад на нашиот јазик“ од Конески, пишува професорот Атанас Вангелов во отворено писмо до премиерот Зоран Заев.

повеќе

Мислам дека Европа нема ни да дозволи полемика за македонскиот јазик затоа што тоа е строго научна работа. Освен нашите политичари-шупелки, никој друг не би посегнал по таа светост.

повеќе

Сега младите сакаат што е можно побрзо да ја напуштат својата земја. Тие веќе не се чувствуваат застапени и го изгубија чувството на припадност.

повеќе