„Видов информации во медиумите за наводна средба на престолонаследникот и израелски официјални лица при неодамнешната посета на Мајк Помпео. Таков состанок не се случи“, напиша на Твитер министерот за надворешни работи на Саудиска Арабија, принцот Фејсал бин Фархан.
„Беа присутни само американски и саудиски официјални лица", истакна тој.
I have seen press reports about a purported meeting between HRH the Crown Prince and Israeli officials during the recent visit by @SecPompeo. No such meeting occurred. The only officials present were American and Saudi.
— فيصل بن فرحان (@FaisalbinFarhan) November 23, 2020
Веста за прва посета на некој израелски премиер на Саудиска Арабија на тајна средба со престолонаследникот минатиот викенд ја објавија израелските државни медиуми, а за агенцијата Франс прес потврди извор од израелската влада.
Јоси Коен, директор на Мосад, израелска надворешна разузнавачка служба, исто така беше во таа посета на НЕОМ, футуристички град во северозападна Саудиска Арабија близу Израел, велат истите извори.
Еврејската држава во последните години им се доближи на некои арапски земји во Персискиот Залив, особено на оние што се непријателски расположени кон Иран. Обединетите Арапски Емирати и Бахреин, блиски сојузници на Саудиска Арабија, ги нормализираа врските со Израел во септември.
Ријад, кој одржува многу одмерени врски со еврејската држава, особено преку својот голем заеднички партнер САД, останува на традиционалната арапска позиција дека решавањето на израелско-палестинскиот конфликт е услов без кој е невозможно воспоставување официјални врски со Израелците.
