Вљора Читаку

Самоопределување бара да се разреши амбасадорката ако е лажна веста дека Јамајка го признала Косово

Пратеничката на движењето Самоопределување во косовското собрание, Фиторе Пацоли, рече дека треба да се отпушти косовската амбасадорка во Америка, Вљора Читаку ако се потврди дека признавањето на Косово од страна на Јамајка е лажна вест.

„Не ни требаат амбасадори што шират лажни информации. Ако веста за признанието од Јамајка не е вистина, амбасадорката Читаку треба веднаш да биде отпуштена и да се бара одговорност од неа“, напиша Пацоли на Фејсбук.

Претседателот на Косово, Хашим Тачи, на Твитер објави дека бил известен од амбасадорката Вљора Читаку дека Јамајка ја признала независноста на Косово.

Сепак, министерката за надворешни работи на Јамајка, Камина Џонсон Смит, ги демантираше наводите на Тачи, истакнувајќи дека Јамајка не ја признала независноста на Косово, пренесува РТС.

Поранешниот косовски министер за надворешни работи Беџет Пацоли на Твитер ѝ се заблагодари на Јамајка, и покрај тоа што не ја признала независноста на Косово.

„Ѝ благодарам на Јамајка во секој случај. Ѝ благодарам на министерката Камина Џонсон Смит, им благодарам на САД. Косово и граѓаните на Косово засекогаш ќе останат пријатели на владата и народот на Јамајка“, напиша Пацоли на Твитер.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе