САД тестираа крстосувачка ракета претходно забранета со ИНФ

Американските војници во неделата спроведоа тест на конвенционална крстосувачка ракета лансирана од копно од западниот брег на САД, ракетен тест што претходно ќе беше забранет според сега непостојниот Договор за нуклеарните сили со краток и среден дострел (ИНФ), соопшти денес Пентагон.

„Министерството за одбрана во неделата спроведе тест на конвенционално конфигурирана крстосувачка ракета лансирана од копно од западниот брег на САД. Во моментов ги оценуваме резултатите од тестот“, рече полковничката Карла Глејсон за Си-ен-ен.

Тестот беше спроведен од островот Сан Николас, Калифорнија, а Пентагон рече дека при тестирањето „ракетата излезе од копнениот мобилен фрлач и точно ја погоди целта по повеќе од 500 километри лет“.

Официјални претставници истакнаа дека ракетата е дизајнирана да носи конвенционален, а не нуклеарен товар.

Американски претставници од одбраната рекоа дека „собраните податоци и научените лекции од овој тест ќе го надополнат развојот на Министерството за одбрана за идните можности со среден дострел“.

САД се повлекоа од Договорот за нуклеарни сили со краток и среден дострел со Москва на почетокот од овој месец, откако со години ја обвинуваа Русија дека го прекршува договорот преку распоредување на своите нуклеарни ракети ССЦ-8, со што се стави крај на историскиот договор за контрола на оружјето, со кој е ограничен развојот на копнени ракети со дострел од 500 до 5.500 километри.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе