САД се враќаат во Советот на ОН за човекови права

Соединетите Американски Држави се враќаат во Советот на Обединетите нации за човекови права, три и пол години по драматичното излегување, кое Кина го искористи за ширење на своето влијание.

EPA-EFE

Генералното собрание на ОН денес бира нови членови на највисокото тело на ОН за човекови права, а на избраните земји тригодишниот мандат ќе им почне на 1 јануари.

Иако членките се бираат со тајно гласање, изборите не се натпреварувачки, 18 земји пополнуваат 18 места.

Задачата на Советот е да ги зајакне промоцијата и заштитата на човековите права во светот, да одговори на нивното кршење и да изнесе препораки.

САД се повлекоа од Советот во 2018 година во претседателскиот мандат на Доналд Трамп кој тоа тело на ОН го обвини за лицемерие и опседнатост со Израел.

Но, Вашингтон по претседателот Џо Бајден се соочува со охрабрена Кина која го искористи отсуството на САД за да покаже мускули.

„Кинезите и сите оние кои во основа се против човековите права како што ги сфаќаат Европејците, се противат на економските, социјалните и културните права. Тоа не е нов тренд, но е несомнено сè посилен“, кажа европски дипломат за Франс прес.

„Целта на Кина е едноставна: да се уништи концептот на универзалноста на човековите права и да се воспостави визија која е во согласност со нејзиниот политички систем“, кажа друг дипломат.

Советот за човекови права кој заседава во Женева е составен од 47 земји кои ги бира Генералното собрание на ОН во Њујорк.

Третина од Советот се бира секоја година, а земјите можат да служат само два последователни тригодишни мандати.

Членството е пропорционално распоредено по географските региони.

Легенда под Главна слика

EPA-EFE

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе