САД се подготвуваат за нов топлински бран, во Долината на смртта измерени 54,4 Целзиусови степени

На западот на Соединетите Американски Држави жештините се екстремни, а во следните денови во Калифорнија и Невада се очекуваат рекордни температури, пренесуваат агенциите.

EPA-EFE

Ова се случува неколку недели откако топлински бран го погоди северот на САД кој го доживеа најтоплиот јуни во историјата. Во Долината на смртта во Калифорнија во петокот беа измерени 54,4 Целзиусови степени и слична жештина се очекува и овие денови.

Милиони луѓе во Соединетите Држави живеат под предупредување за екстремна жештина. Националната метеоролошка служба ги советуваше да пијат многу вода и да престојуваат во климатизирани простории.

Температурата измерена во Долината на смртта во петокот е иста како таа забележана во август 2020 за која некои тврдат дека е највисоката температура некогаш измерена на Земјата. Температура од 56,7 Целзиусови степени е регистрирана во 1913, но тоа го оспоруваат климатските експерти.

Пожарникарите кои се борат со шумски пожари во тој регион велат дека воздухот е толку сув што поголемиот дел од водата која авионите ја испуштаат за да го изгасат огнот испарува пред да падне на тлото.

Легенда под Главна слика

EPA-EFE

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе