САД сакаат и Кина да биде вклучена во договорот за нуклеарно оружје, Пекинг не е заинтересиран

Претставници на САД и Русија треба да се сретнат утре во Женева за да разговараат за идеите за нов договор за ограничување на нуклеарното оружје, кој би можел да ја вклучи и Кина, изјавија вчера американски функционери.

Американскиот претседател Доналд Трамп изјави дека би сакал договор од „нова генерација“ за контрола на нуклеарното оружје со Русија и Кина што ќе ги покрие сите видови на такво оружје. Тој ја спомена таа тема во разговорите со рускиот претседател Владимир Путин и кинескиот претседател Си Џинпинг на самитот Г20 во Осака минатиот месец.

Кина не е дел од договорите за нуклеарно оружје меѓу САД и Русија и не се знае дали ќе биде подготвена да биде вовлечена во овие разговори, велат официјални претставници, кои разговараа со новинарите под услов да останат анонимни, јави Ројтерс.

Кинеското Министерство за надворешни работи повтори дека Пекинг не е заинтересиран за вакви разговори.

„Во моментов не ги гледаме предусловите или основите за учество на Кина во овие преговори меѓу САД и Русија", изјави портпаролот на министерството Генг Шуанг за новинарите во Пекинг.

Заменик-државниот секретар на САД, Џон Саливен ќе ја предводи американска делегација на разговорите во среда, додека рускиот заменик-министер за надворешни работи Сергеј Рјабков ќе ја предводи руската делегација, рекоа американски официјални претставници.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе