САД нема да ја означат Русија како спонзор на тероризам

Американскиот претседател Џо Бајден одлучи дека нема да ја прогласи Русија за држава која спонзорира тероризам, кажа портпаролката на Белата куќа Карин Жан-Пјер.

EPA-EFE

Бајден вчера кажа дека Русија не би требало да биде прогласена за држава која спонзорира тероризам, за што се залагаше Украина.

Русија од друга страна предупредуваше дека таквиот потег на Вашингтон би водел кон прекин на руско-американските врски. Прогласувањето на Русија за држава која спонзорира тероризам би можело да го одложи извозот на храната и да ги загрози договорите за испораките на жито во светот преку црноморските пристаништа, кажа Жан-Пјер.