САД именуваа критичар на Русија за советник за Северен тек 2

Американскиот државен секретар Ентони Блинкен именуваше советник за енергетска безбедност кој ќе работи на мерки за „намалување на ризикот“ кој наводно го претставува руско-германскиот гасовод Северен тек 2.

EPA-EFE

Именувањето на дипломатот Амос Хохштајн покажува дека американската влада е решена да ја спречи Русија да ја користи енергетика како геополитичко оружје, соопшти Блинкен.

Хохштајн, според Блинкен, ќе помага Украина и источните членки на НАТО и ЕУ да остварат „побезбедна и одржлива енергетска иднина“.

Новоименуваниот советник е познат по својот критички став кон Русија. Претходно за време на администрацијата на Барак Обама во Стејт департментот служеше како специјален претставник за меѓународни работи во енергетиката, а од 2017 работел во приватниот сектор.

САД и Германија постигнаа на крајот на јули договор за гасоводот Северен тек 2, со што ставија крај на меѓусебните несогласувања за тоа прашање.

Гасоводот ќе го носи рускиот гас директно во Германија, одминувајќи ги Украина и Полска кои имаат големи приходи од транзитот на рускиот гас.

Според договорот, Германија се сложи да инвестира во инфраструктура за украинска зелена технологија, а САД се сложија да ги прекинат напорите за блокирање на гасоводот.

Блинкен истакна дека главната задача на Хохштајн ќе биде имплементација на јулскиот договор на Вашингтон и Берлин.

Легенда под Главна слика

EPA-EFE

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе