САД ѝ се закануваат на Грција поради иранскиот танкер

САД ѝ ставија на знаење на владата во Атина дека сите обиди да му помогне на иранскиот танкер, кој плови кон грчките води, може да има последици.

Иранскиот танкер, кој пред повеќе од еден месец беше запленет во водите на Гибралтар, конечно во понеделникот исплови од пристаништето и се упати кон грчките води. Штом исплови танкерот со нафта, Техеран испрати порака до Вашингтон ни случајно да не се обидува да го пресретне или заплени пловилото.

Меѓутоа, САД денес ѝ се закануваат на Грција, кон чии води плови танкерот. „САД јасно ѝ ставија на знаење на владата во Атина дека сите напори да му помогне на иранскиот танкер што плови кон грчките води откако беше ослободен од Гибралтар ќе значат поддршка на оние што САД ги сметаат за терористи и може да имаат потенцијални кривични последици“.

Ова го изјави официјален претставник на Стејт департментот, кој рече дека Соединетите Држави ја пренеле својата „силна позиција“ до владата во Атина во врска со иранскиот танкер, за кој Вашингтон тврди дека носи нафта за Сирија.

Танкерот Адријан Дарија 1 исплови од пристаништето во Гибралтар доцна во неделата и податоците за следење на бродот покажуваат дека плови кон островот Каламата во јужна Грција.

Еден американски официјален претставник изјави дека танкерот со нафта ѝ помага на Исламската револуционерна гарда, која САД ја означија како терористичка организација.

И покрај сета надеж што се роди со објавите за докажана ефикасност на неколку кандидати за вакцини за ковид-19, има долг пат пред нас што треба да се изоди за да се дојде до универзална и лесно достапна „вакцина за луѓето“. 

повеќе

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе