САД ѝ порачаа на Канада да се спреми за екстрадиција на директорката на Хуавеј

Соединетите Американски Држави ќе го почнат процесот на официјално екстрадирање на директорката на Хуавеј Менг Ванжу од Канада, соопшти канадскиот амбасадор во САД што е потег кој дополнително ќе ги влоши односите со Кина.

Во интервју за канадски Глоуб енд мејл, амбасадорот Дејвид Мекнотон пренесе дека САД ѝ најавиле на Канада дека бараат нејзина екстрадиција, но не кажа кога САД ќе го поднесат барањето. Рокот за барање за екстрадиција е 30 јануари, 60 дена откако Менг заврши во притвор на 1 декември во Ванкувер.

Менг, инаку ќерка на основачот на Хуавеј Рен Женгфеи, беше уапсена на барање на САД поради наводно кршење на американските санкции против Иран.

Беше ослободена со кауција минатиот месец, а на судот во Ванкувер треба да се појави на 6 февруари.

Односите на Кина и Канада се заладија по апсењето и Кина уапси двајца канадски државјани, а трет осуди на смртна казна поради шверц на дрога.

Кина во вторникот ги предупреди Канада и САД дека во случајот на Менг го злоупотребиле договорот за екстрадиција. Портпаролката на министерството за надворешни работи Хуа Чунјинг на прес конференција побара од Канада да ја ослободи Менг.

„Секој кој чесно би проценил би дошол до заклучок дека Канада греши во своите постапки“, истакна портпаролката.

(Текстот е одговор на колумната „Сите нации се модерни конструкти" од д-р Љубица Спасковска објавена на МКД.мк, 1 август)

повеќе

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе