За зајакнување на воените капацитети

САД ѝ испорачуваат три Блек Хок хеликоптери на Албанија

САД ќе ѝ испорачаат три Блек Хок хеликоптери на Албанија, со цел државата да ги зајакне своите воени капацитети, соопшти албанското Министерство за одбрана.

Албанската министерка за одбрана Олта Џака која е во посета на САД, потпиша договор за оваа набавка со Националната гарда на Њу Џерси, пренесе Вашингтон пост.

Хеликоптерите се дел од пакет поддршката на САД за Албанија, која во 2009 година се приклучи на НАТО и го заменува застареното оружје со ново во согласност со стандардите на Алијансата.

Армијата на САД ќе ги обучува албанските пилоти и ќе ги одржува хеликоптерите, додека Албанија ќе плаќа годишен надоместок, износ кој не е обелоденет.

САД на Албанија ѝ обезбеди Хамви возила и оклопни возила отпорни на мини и напади од заседа (МРАП).

Албанија редовно обезбедува мали армиски единици во меѓународни мировни мисии или операции на НАТО.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе