Кој и зошто сакал да го сокрие пожарот во Универзална сала, прашува Арсовска

Градоначалничката на Град Скопје, Данела Арсовска на денешната прес-конференција постави повеќе прашања кои се поврзани со проектот за реконструкцијата на Универзална сала, како и со пожарот кој пред една недела избувна во објектот. Арсовска праша дали и кој сакал да го скрие пожарот бидејќи, како што тврди градоначалничката, министерката за култура, Бисера Костадиновска Стојчевска имала информации дека има пожар еден час пред тој да биде пријавен од случаен минувач. Кога пожарникарите дојдоа на терен објектот беше веќе зафатен од огромни пламени јазици.