„Тоа би било ограничување“

САД бараат од Турција да не ја претвора Аја Софија во џамија

Американскиот државен секретар Мајк Помпео побара вечерва од Турција да не ја претвора поранешната базилика Аја Софија во џамија, нешто што турскиот претседател Реџеп Таип Ердоган сака да го направи.

EPA-EFE

„Ги повикуваме турските власти да ја сочуваат Аја Софија како музеј, како илустрација на нивната посветеност на почитувањето на културните традиции и богатата историја кои ја обликуваа турската република и да гарантираат дека ќе остане отворена за сите“, напиша Помпео.

Турскиот државен совет денес ќе го разгледува барањето на здруженијата кои бараат претворање на поранешната црква Аја Софија, која сега е музеј, во џамија.

„Соединетите Држави сметаат дека секоја промена на статусот на Аја Софија би претставувала ограничување на наследството на таа исклучителна градба“, додаде Помпео.

Портпаролот на турското министерство за надворешни работи Хами Аксој кажа дека Турција е изненадена од тие изјави и додаде дека „никој нема право со предупредувачки тон да им зборува за нивните суверени права“.

Аја Софија, истанбулската црква од 6 век, е впишана во листата на светското наследство на УНЕСКО. Црквата ја изградиле Византијците, а Османлиското Царство ја претворило во џамија, а во 1935 година да стане музеј.

Ердоган минатата година претворањето на Аја Софија во музеј го нарече „голема грешка“.

Легенда под Главна слика

EPA-EFE

Баталете ги овие глупости со Бугарија, а Османи нека си фати патот до Брисел да земе обрасци за членство во ЕЕО и нека ги пополнат брзо.

повеќе

Во Скопје се надеваат дека претстојните парламентари избори во Бугарија се една од причините поради кои владата на Бојко Борисов не попушта во врска со членството на Македонија во ЕУ.

повеќе

Упадот во американскиот Капитол што го извршија приврзаниците на Доналд Трамп како последен очаен обид да се поништи резултатот од изборите во 2020 година беше исто толку предвидлив колку и шокантен.

повеќе