Рускиот парламент одобри продолжување на договорот Нов СТАРТ за пет години

Рускиот парламент прифати петгодишно продолжување на Договорот за намалување на стратешкото вооружување (СТАРТ) со Соединетите Држави, кој треба да истече на 5 февруари.

Фото: ЕПА

Потпишан во 2010 година, СТАРТ е основа за глобалната контрола на оружјето и за ограничување на бројот на стратешките нуклеарни боеви глави, ракети и бомбардери што Русија и САД можат да ги употребат.

„Суштината е договорот да биде продолжен за пет години без измени“, им рече рускиот заменик министер за надворешни работи Сергеј Рјабков на пратениците.

Рускиот претседател Владимир Путин се очекува да го потпише новиот закон, пренесува Ројтерс.

Рјабков изјави дека важноста на договорот официјално ќе биде продолжена кога Русија и САД ќе разменат дипломатски ноти, по завршувањето на сите домашни процедури.

„Продолжувањето на договорот беше постигнато според нашите услови“, рече Рјабков.

Рускиот претседател Владимир Путин го поздрави продолжувањето на договорот за контрола на нуклеарното оружје Нов СТАРТ, објави Кремљ. Сепак, портпаролот на Кремљ Дмитриј Песков рече дека, и покрај „меѓусебното разбирање“ кога станува збор за продолжување на Договорот за стратешко офанзивно вооружување, засега не постојат услови Русија и САД да ги „ресетираат“ своите меѓусебни односи.

Продолжувањето на договорот е „несомнено чекор во вистинската насока“, рече Путин во видеообраќање на Форумот во Давос.

Тој исто така додаде дека постои ризик светскиот поредок да се промени „на непредвидлив и неконтролиран начин“.

Русија и Соединетите Држави во вторникот ги разменија документите потребни за продолжување на договорот, кој истекува за помалку од две недели.

Минатата недела, по стапувањето на функцијата, претседателот на САД Џозеф Бајден предложи петгодишно продолжување на договорот.

Новиот СТАРТ е последниот договор со кој Русија и Соединетите Држави меѓусебно се ограничуваат по прашањето на нуклеарно оружје.

Легенда под Главна слика

Фото: ЕПА

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе