Наводно му шинал рамо на полицаец

Руски глумец осуден на 3,5 години затвор, тој вели бил само минувач на протестот (ВИДЕО)

Руски суд го осуди Павел Устинов на три и пол години затвор за употреба на насилство на недозволен протест во Москва, објави руската агенција Интерфакс.

Судот во Москва денеска го осуди актерот на 3,5 години затвор, откако го прогласи за виновен за дислоцирање рамо на полицаец за немири за време на антивладините протести минатиот месец, и покрај неговите тврдења дека само минувал од таму.

Устинов стана шестото лице што е осудено по протестите, на кои се бараше на група претставници на опозицијата да им биде дозволено да учествуваат на изборите, што властите не го дозволија.

На едно од објавените видеа се гледа како Устинов, 23, стои на Пушкиновиот плоштад додека полицијата за немири му се приближува и почнува да го мава со палки додека тој се обидува да се ослободи.

Обвинителите бараа шестгодишна затворска казна за Устинов, а судот одби да ги земе предвид двете видеа од неговото притворање како доказ.

Устинов негираше дека е виновен и рече дека бил само минувач на протестот.

Константин Раикин, директор на театарот Сатирикон и еден од најпознатите актери во Русија, го нарече случајот на Устинов „недоразбирање што може да има трагичен крај“.

Пресудата на Устинов ја прочита судијата Алексеј Криворучко, кого Соединетите Држави во 2013 година го ставија на црната листа затоа што му продолжил притворот на адвокатот Сергеј Магнитски, два месеци пред неговата смрт. Магнитски почина во затвор во 2009 година, откако беше уапсен од функционерите што ги обвини дека ја мамеле руската влада, вели Москва тајмс.

Десетици илјади луѓе излегоа на улиците во текот на летото за да бараат слободни избори, откако на неколку кандидати од опозицијата им беше забрането да се кандидираат за место во московскиот градски законодавен дом, во најголемото непрекинато протестно движење во Русија од 2011-2013 година.

Полицијата за кратко време уапси повеќе од 2.000 лица, им даде кратки затворски казни на речиси сите придружници на критичарот на Кремљ Алексеј Навални и употреби сила да ги растера, како што рече, недозволените повеќенеделни демонстрации.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе