Руски авиони ги гасат пожарите во Анталија (ВИДЕО)

Туристите, меѓу кои и 100 Руси, се евакуираат од луксузен хотел во Бодрум.

Фото: скриншот

Руски авиони Беријев Бе-200 учествуваат во гаснењето на пожарот што ја зафати шумата во турската провинција Анталија, соопшти вчера руската амбасада во Анкара.

„Три руски противпожарни авиони Бе-200 ѝ помагаат на Турција во регионите каде што избиваат пожари“, се вели во соопштението, пренесе ТАСС.

Дипломатската мисија на Русија во Анкара се надева дека шумскиот пожар во јужна Турција ќе биде брзо изгаснат, за да не предизвика голема штета.

Пожарот избувна на 28 јули, недалеку од градот Манавгат, поради екстремно високите температури, покажаа прелиминарните податоци.

Рускиот конзулат во Анталија за ТАСС изјави дека пожарот не ги загрозува главните туристички атракции во таа област.

Според турската служба за вонредни ситуации, во пожарите загинале три лица, а 122 се повредени.

Околу 100 руски туристи морало да бидат евакуирани од луксузен хотел во Бодрум поради блискиот шумски пожар, објави синоќа Руската туристичка асоцијација (АТОР).

Поради вдишување густ чад, 183 лица побарале помош по пожарот во градот Манавгат, во регионот на Анталија.

Легенда под Главна слика

Фото: скриншот

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе