Руската тундра гори, но горат и шумите во Калифорнија, му одговори на Бајден Путиновиот портпарол

Коментирајќи ја изјавата на претседателот на САД Џозеф Бајден за пожарите во руската тундра, портпаролот на Кремљ Дмитриј Песков потсети на катастрофалните шумски пожари што беснеат во Соединетите Американски Држави.

Фото: ЕПА

Тој рече дека руската тундра навистина гори, но дека не треба да заборавиме на шумските пожари во Калифорнија, Турција и другите земји во светот.

„Токму ова е една од последиците на климатските промени со кои се соочуваме“, рече Песков, додавајќи дека Кремљ не се согласува со таквите формулации од американската администрација.

За време на неговиот говор на самитот за климата КОП26 во Глазгов, Бајден го критикуваше рускиот претседател Владимир Путин што не присуствува во живо.

„Путиновата тундра гори, буквално, тундрата гори. Тој има сериозни, сериозни климатски проблеми, но не презема ништо“, рече Бајден во вторникот.