Инцидент со експериментално гориво

Руската нуклеарна агенција соопшти дека 5 експерти загинале во експлозијата во ракетната база (ВИДЕО)

Руската државна нуклеарна агенција Росатом извести денес дека пет нејзини нуклеарни експерти загинале во несреќата за време на тестирање на воениот полигон на северот на Русија, пренесува РИА.

Несреќата се случила за време на тестирање ракетен мотор со експериментално течно гориво, соопшти Росатом.

Нуклеарната агенција извести и дека во несреќата уште тројца членови на нејзиниот персонал добиле повреди од различен степен, вклучувајќи изгореници, и дека се подложени на потребниот специјализиран третман во специјални установи.

Руските власти претходно соопштија дека во инцидентот загинале две лица и дека најблискиот град објавил пораст на радијацијата кога во четвртокот ракетен мотор експлодираше на полигон за тестирање во воената база во регионот Архангелск.

Беше соопштено и дека морал да биде затворен дел од заливот во Белото Море за поморски сообраќај.

Локалните медиуми јавија дека жителите на регионот по несреќата набавуваат јод кој се користи за намалување на ефектите на изложеноста на зрачење.

Руското министерство за одбрана соопшти неколку детали за несреќата. Иако на почетокот беше јавено дека никакви штетни хемикалии не се испуштаа во атмосферата и дека нивото на зрачење е непроменето, властите во блискиот град Северодвинск известија за, како што беше објаснето, краток скок на радијацијата.

Нема официјално објаснување зошто таква несреќа би предизвикала пораст на зрачењето, наведува Ројтерс.

Агенцијата пишува и дека соопштението за зрачењето кое градот Северодвинск го даде вчера без објаснување исчезна од интернет.

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе