Русин со оклопно возило влегува во продавница да украде вино (ВИДЕО)

Еден човек со вооружено оклопно возило удира во излогот на продавницата за потоа преку урнатините да се прекачи и да украде шише вино, во еден град во северна Русија во среда изутрината, според локалните медиуми и видеото објавено на социјалните медиуми.

Мажот го украл возилото од теренот за моторспорт обука во близината, возејќи го низ шумата и во Апатити, мало гратче јужно од арктичкиот круг, објави локалната новинска агенција Хибинформ.

Борејќи се да го сврти во тесната улица, човекот, кого сведоците го опишаа како пијан, продолжи да го удира тенкот во прозорецот на продавницата „Фемили“, објави новинската агенција.

Исто така го уништува и Даеву автомобилот паркиран во близина, што се гледа од сликите.

Снимките споделени на социјалните медиуми покажуваат како човекот последователно го напушта возилото низ отворот, кратко ја проверува штетата и влегува во продавницата низ скршениот излог.

Подоцна беше уапсен со украденото шише вино, рече Хибинформ. Продавницата не беше лиценцирана да продава алкохол во раните утрински часови, додаде агенцијата.

Сведоците видливи на снимката не изгледаат особено вознемирени од инцидентот.

„Во суштина, некое момче украло оклопно возило... и отишло во продавница за да ги надополни своите залихи во утринските часови“, објаснува корисник на социјалните медиуми, додека ја снима снежната сцена од својот прозорец.

Човекот, во своите доцни дваесетти години, не се спротивстави на апсењето, објави новинската агенција РИА.

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе

Литературните дејци отсекогаш биле предвесници на некое ново време. Немале натприродна моќ да ја предвидат иднината.

повеќе

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе