Русија: Зошто Зеленски не го видел нашиот предлог?

Кремљ вчера соопшти дека Москва и понатаму чека одговор од Украина на последниот руски пишан предлог за мировни преговори меѓу двете страни и праша зошто на претседателот Володимир Зеленски тој документ му е непознат.

EPA-EFE

Зеленски во средата кажа дека не го видел предлогот кој, како што тврди Кремљ, му бил испратен.

„Повторувам уште еднаш, како што кажав вчера, нашата последна верзија ѝ беше предадена на противничката страна, на украинската преговарачка делегација“, кажа портпаролот на Кремљ Дмитриј Песков.

Тој потврди дека Кремљ е свесен за изјавата на Зеленски и го постави прашањето зошто никој не го известува украинскиот претседател за нивната верзија на текстот.

Изјавите на свете страни ја покажуваат оддалеченоста на нивните ставови и лошата комуникација. Последните директни преговори беа одржани на 29 март.

Рускиот претседател Владимир Путин на 12 март кажа дека преговорите се во ќорсокак, а главниот украински преговарач дека е тешко да се предвиди кога би можеле да продолжат, особено поради опсадата на Мариупол.

Москва бара Киев да ја признае загубата на Крим и Донбас, а Украина порача дека нема компромис кога станува збор за нејзините суверенитет и територијалниот интегритет.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе