Русија: Украина ја гранатира нуклеарната централа Запорожје

Украинската нуклеарна централа Запорожје, која ја контролира Русија е гранатирана од страна на украинските воени сили, објави руската државна агенција ТАСС, повикувајќи се на рускиот оператор на нуклеарната централа Росенергоатом.

EPA-EFE

Советникот на Росенергоатом Ренат Карча изјави дека не е откриено истекување радијација кај најголемата нуклеарна централа во Европа.

За ТАСС додаде дека на објектите на централата се испукани 15 гранати – во близина на сув склад на нуклеарен отпад и згради во кои се наоѓа свежо потрошено нуклеарно гориво.

Русија за гранатирањето ја обвини Украина.

Меѓународната агенција за атомска енергија (ИАЕА) остро го осуди нападот на нуклеарната централа Запорожје. Од Агенцијата бараат они кои стојат зад експлозиите веднаш да престанат со гранатирањето, пренесува Ројтерс.