Русија тврди дека нема ништо со политичкиот скандал во Австрија

Русија „нема ништо“ со политичкиот скандал во Австрија каде објавувањето на компромитирачка видеоснимка на лидерот на крајнодесничарската Партија на слободата на Австрија (ФПО) Хајнц Кристијан Штрахе резултираше со распаѓање на владејачката коалиција, соопшти Кремљ.

„Тоа е приказна со која немаме ништо, која со нас нема никаква врска и не ни можела да има врска со нас“, кажа портпаролот на Кремљ Дмитриј Песков.

Политичката криза во Австрија изби откако германските медиуми Зидојче цајтунг и Шпигл објавија тајно снимено видео во кое поранешниот лидер на ФПО Штрахе во разговор со наводна руска претприемачка, внука на руски олигарх, за политичка поддршка нуди фаворизирање при доделување јавни тендери.

Песков истакна дека објавената снимка „нема врска ни со Русија, ни со претседателот ни со владата“.

„Не знаеме која е таа жена, ни дали е со руско потекло или има руско државјанство“, кажа Песков.

Рускиот олигарх кој се спомнува во снимката, Игор Макаров, во неделата за руското издание на Форбс изјави дека не е роднински поврзан со жената на снимката.

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе

Наместо да седнат заедничи и оние од власта и оние од опозицијата и да се договорат околу стратегијата за борбата со најголемата опасност, тие мудруваат и кажуваат бајки.

повеќе