Пукал и во полицијата

Русија: Студент уби едно, рани три лица, па се самоуби (ВИДЕО)

Најмалку еден човек загина, а тројца се ранети кога студент денеска отворил оган на колеџот во Благовешченск, на далечниот исток на Русија во регионот Амур, а потоа извршил самоубиство.

„Телата на двете момчиња, меѓу кои и на напаѓачот, се пронајдени на местото на инцидентот. Според прелиминарните информации, три лица се ранети“, соопшти Одделот за внатрешни работи на таа област.

Во соопштението се наведува дека едно момче наишло на патот на полициска патрола и им кажало за пукањето на колеџот.

Полицијата го забележала вооружениот напаѓач на вториот кат од зградата на колеџот, кој пукал и во нив.

Тасс пренесува дека полицијата возвратила со оган и дека никој од нивните припадници не е повреден.

Полицијата верува дека можен мотив за нападот е судир што го имал напаѓачот со колегите од колеџот.

Извори на службата за вонредни ситуации претходно ѝ кажале на руската агенција дека напаѓачот почнал да пука откако му било кажано да ја напушти слушалната зашто доцнел на час.

Еден од ранетите тинејџери е во критична состојба.

Рускиот истражен одбор објави дека досегашните резултати на истрагата покажале дека 19-годишен студент од градежниот колеџ отворил оган во таа образовна установа.

Ранети се три момчиња, на 17, 19 и 20 години.

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе