Русија развива нова ракета со дострел од 4.500 километри

Нова крстаречка ракета Калибр-М со дострел поголем од 4.500 километри, која може да носи и нуклеарна боева глава со тежина од речиси еден тон е во фаза на развој, изјави извор од рускиот воено-индустриски комплекс за агенцијата Тасс.

„Најновата крстосувачка ракета со висока прецизност која се лансира од брод Калибр-М, со максимален дострел поголем од 4.500 километри се развива за Руската морнарица. Создавањето на ракетата е во фаза на научно истражување и е финансирано од страна на Министерството за одбрана“, вели изворот.

Тој рече дека развојот на овие ракети е вклучен во државната програма за вооружување до 2027 година, додавајќи дека „ракета мора да биде предадена на флотата пред крајот на програмата“.

Изворот за руската агенција, наведе дека новата ракета ќе се разликува од постојните ракети Калибр кои веќе се во употреба со тоа што ќе имаат поголем дострел и димензија.

„Ќе бидат многу поголеми, тежината на боевата глава ќе се приближи до еден тон. Калибр М е дизајнирана да уништува постројки на земјата и ќе биде во можност да носи и конвенционални и нуклеарни боеви глави“, вели изворот, додавајќи дека со новите ракети ќе бидат опремени големи бродови почнувајќи од фрегати, како и нуклеарни подморници.

Тасс наведе дека максималниот домет до кој може да се истрела актуелната ракета 3М-14 од системот Калибр, која лета со брзина помала од брзината на звукот, сега изнесува околу 2.000 километри.

Во дипломатијата како гранка од јавно политичкиот живот професионалните кадри треба да бидат повеќе застапени од политичките.

повеќе

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе