Во екот на тензиите

Русија префрла „сухои“ во Белорусија (ВИДЕО)

Русија префрла современи ловци Су-35С на аеродроми во Белорусија каде ќе учествуваат на воени вежби, јави руското министерство за одбрана.

EPA-EFE

„Екипажите на повеќенаменските ловци Су-35С од Источниот воен округ, вклучени во проверката на силите за реагирање, продолжуваат со префрлање на аеродроми во Белорусија. За време на летот, екипажите вршат меѓуслетувања на аеродроми од Централниот и Западниот воен округ за да се подготват за следниот лет и да се одморат“, соопшти руското министерство.

По пристигнувањето во соседната држава, ловците ќе стапат на борбено дежурство во рамки на проверката на функционирањето на единствениот систем на противвоздушната одбрана. Рутите на „сухоите“ се составени со минимум меѓуслетувања и со земање предвид на временските услови долж целата рута.

Проверката на силите за реагирање ќе се одвива во две фази.

Првата фаза ќе трае до 9 февруари и во неа е планирана реализација на задачи за формирање воени групи во краток временски период, организирање одбрана на државни и воени објекти, државните граници во воздушниот простор и тоа во рамки на единствениот регионален ПВО систем на Русија и Белорусија.

Ќе биде извршена проверка на готовноста на силите на ПВО за задачи на заштита на важни објекти на територијата на Белорусија. За време на втората фаза од 10-20 февруари ќе биде одржана заедничката вежба Сојузничка решителност 2022.

Легенда под Главна слика

EPA-EFE

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе