Русија предупредува за замрзнатите антички вируси

Топењето на вечниот мраз поради глобалното затоплување не само што може да доведе до ослободување на гасови метан и потенцијално уништување на арктичката инфраструктура, туку може да предизвика и будење на старите вируси и бактерии, предупреди Русија.

Фото: Пиксабеј

Зборувајќи за ТВ каналот Звезда, високиот дипломат Николај Корчунов откри дека Русија предложила проект за биосигурност до Арктичкиот совет, меѓувладин форум составен од осум земји што имаат суверенитет над земјиштето во Арктичкиот круг.

Корчунов претседава со Комитетот на високи функционери на Арктичкиот совет.

„Постои ризик од будење на стари вируси и бактерии“, рече Корчунов.

„Поради ова, Русија иницираше проект за ‘биосигурност’ во рамките на Арктичкиот совет“, продолжи тој, истакнувајќи дека ќе има задача да го разработи целиот опсег на „ризици и опасности“ поврзани со „деградацијата на вечниот мраз“ и „идни заразни болести“.

Корчунов не е првиот што го истакнува овој потенцијално катастрофален несакан ефект од климатските промени. Годинава и рускиот научник Сергеј Давидов предупреди дека топењето на вечниот мраз може да изнесе на површината делови од древните екосистеми, вклучително и вируси. Давидов предупреди дека голем дел од територијата на Русија е вечен мраз што не се стопил со милиони години, а во него може да има антички вируси, од кои некои би можеле да бидат крајно опасни.

И рускиот претседател Владимир Путин неколку пати предупреди на опасностите од глобалното затоплување врз екосистемите и животната средина на земјата, вклучувајќи го и топењето на вечниот мраз, вели РТ. Говорејќи во дебатниот клуб Валдаи во 2020 година, Путин истакна дека 65 отсто од територијата на земјата се составени од вечен мраз, а секоја еколошка промена ќе има огромни последици за руската инфраструктура и може да има огромен удар врз нејзината економија.

„Тоа влијае на гасоводните системи, на населените области изградени врз вечен мраз и така натаму“, објасни Путин. „Ако до 2100 година се стопат дури 25% од блиските површински слоеви на вечниот мраз, што е околу три или четири метри, ќе го почувствуваме ефектот многу силно“.

Легенда под Главна слика

Фото: Пиксабеј

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе