Русија откри 5 арктички острови што изникнале додека се топат глечерите

Руската војска и официјално потврди дека открила пет нови арктички острови, кои се појавиле бидејќи климатските промени го забрзуваат топењето на глечерите.

Новите острови биле откриени од студентка на истражувачки брод на руската морнарица што патувал низ арктичките води кон крајот на 2016 година. Русија го зголемува своето воено и трговско присуство на Арктикот, бидејќи северниот регион станува сè подостапен.

Петте острови, со големина од 900 квадратни метри до 54.500 квадратни метри, биле откриени во близина на глечерот Нансен крај брегот на архипелагот Новаја Землја, објави во вторникот руското Министерство за одбрана.

„Спроведено е топографско истражување на новите острови“, рече војската. „Тие се детално опишани и фотографирани“.

Истиот брод придонел во откривањето на повеќе од 30 нови острови, 'ртови и заливи во архипелазите Франц Јозеф Ланд и Новаја Землја со употреба на податоци од далечински сензори во 2015-18.

Новите острови се додаваат на картата „дури откако ќе се извршат потребните истражувања на теренот“, велат од универзитетот „Адмирал Макаров“. „Дури тогаш се издава официјално соопштение за откритието“.

Светската метеоролошка организација соопшти дека температурите во делови од Арктичка Русија околу Новаја Землја сега се за 6 до 7 степени Целзиусови повисоки од просекот 1961-90 година, додека температурите низ светот се поблизу до 1 Целзиусов степен над тој просек.

„Сметам на вас“. Со овие зборови, претседателот Макрон апелираше до граѓаните на Северна Македонија да гласаат за Преспанскиот договор на референдумот на 30 септември 2018.

повеќе

Сѐ додека Македонија ја претставуваат „политички најподобните" ќе тонеме длабоко и уште повеќе ќе се раслојуваме.

повеќе

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе