Русија одобри уште една вакцина против коронавирус

Русија одобри уште една вакцина за ковид-19, објави рускиот претседател Владимир Путин на владина седница.

EPA-EFE/SERGEI ILNITSKY

Путин им честиташе на научниците кои ја развија новата вакцина во сибирскиот институт Вектор, наречена Епи-Вак-Корона.

Вакцината минатиот месец ја помина почетната фаза на испитувањето.

„Мора да го зголемиме производството на првата и втората вакцина“, рече Путин во преносот на државната телевизија.

„Продолжуваме да соработуваме со нашите странски партнери и ќе ја промовираме нашата вакцина во странство“, додаде тој.

Путин најави дека на пат е и трета вакцина од Центарот Чумаков на Руската академија на науките.

Русија во август стана првата држава што одобри вакцина за ковид-19, правејќи го тоа пред масовното тестирање, што загрижи дел од научната заедница.

Вакцината ја примиле 400 пациенти, соопшти министерството за здравство. Името Спутник 5 го доби по првиот сателит испратен во вселената за време на Советскиот Сојуз, но сè уште не е во широка употреба.

Русија од почетокот на пандемијата забележа 1,3 милиони случаи, најмногу зад САД, Индија и Бразил.

Легенда под Главна слика

EPA-EFE/SERGEI ILNITSKY

Албанскaта политичка и научна јавност имаат објективен пристап и разбирање дека прашањата што се на масата за разговори со Бугарија не се воопшто лесни за решавање.

повеќе

Половични регионални форми на соработка и здружување се опасни за Македонија.

повеќе

Време е да се фокусираме врз суштинските проблеми. Време е да создадеме вистински ’општествен договор‘ за владеење на правото и на човековите права како главни столбови на европските вредности

повеќе