Ги повика ЕУ на преговори

Русија не ја исклучува можноста од нова криза со гасот

Русија не ја исклучува можноста од нова криза со гасот во Европа и ја повика Европската Унија на преговори, соопшти потпретседателот на руската влада задолжен за енергетски прашања Александар Новак.

EPA-EFE

„Не ја исклучувам можноста таквата ситуација да се повтори“, кажа Новак и ги повика одговорните во ЕУ на преговори.

Тој порача дека Москва е спремна на дијалог.

Според Новак, во европските магацини недостигаат околу 25 милиони кубни метри гас и тој смета дека „околу тоа прашање нешто треба да се направи“.

Светската енергетска супер сила повторно ја отфрли одговорноста за растот на цените и истакна дека ги исполнува своите обврски од договорите.

Испораките на светските пазари пораснаа за дури 15 отсто во однос на претходната година а и самата Русија оваа година потрошила повеќе гас од инаку. Новак тоа го препишува на студената зима и заздравувањето на стопанството.

Неодамна рускиот претседател Владимир Путин повика на итно пуштање во работа на гасоводот Северен тек 2 со кој природниот гас од Русија преку Балтичкото Море ќе стига во Германија.

Новак смета дека испораките преку тој гасовод би ја намалиле загриженоста на пазарот.

Гасоводот е довршен, а германските власти допрва треба да ги издадат потребните дозволи.

На крајот на септември некои германски медиуми објавија дека Русите сакајќи да го примораат Брисел на прифаќање на Северен тек 2, вештачки го предизвикале незапаметениот раст на цените на гасот на светскиот пазар, кои скокнаа на речиси илјада долари за илјада кубни метри гас.

Со тоа се создава вештачки дефицит на гас, а од друга страна азиските земји ова лето купија големи количества течен гас па во Европа има значително помалку.

Пропусната моќ на Северен тек 2 е 55 милијарди кубни метри гас годишно.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе