Русија му врачи демарш на амбасадорот на Австрија

Руското Министерство за надворешни работи упати протестна нота до амбасадорот на Австрија во Москва, Јоханес Ајгнер.

Причината за демаршот се наводите за вмешаноста на поранешен австриски полковник во шпионажа во корист на Русија, пренесува ТАСС.

Ајгнер претходно беше повикан во руското Министерство за надворешни работи поради инсистирањето на Виена дека пензионирани воени офицери се осомничени за вмешаност во шпионски активности за Москва.

Австрискиот канцелар Себастијан Курц и министерот за одбрана Марио Кунасек утрово потврдија дека државниот обвинител покренал истрага откако добил информации од странска разузнавачка служба дека пензиониран полковник на австриската војска за време на активната служба 30 години шпионирал за Русија.

Курц на вонредна прес-конференција ги осуди дејствата на Русија и рече дека такво нешто не е во ред.

Рускиот министер за надворешни работи Сергеј Лавров изјави дека е „непријатно изненаден“ бидејќи од Виена не добил барање за појаснување на ситуацијата со пензионираниот австриски полковник.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе