Русија ја зајакна воената база во Таџикистан. Путин: Западот остави хаос во Авганистан

Русија објави вчера дека ја зајакнала воената база во Таџикистан со противтенковски системи, а претседателот Владимир Путин предупреди дека „хаосот" предизвикан од Западот со повлекувањето од Авганистан ги доведе во опасност соседните земји.

Фото: ЕПА

Базата доби неколку противтенковски системи „Корнет“, соопшти руската војска.

Министерот за одбрана Сергеј Шојгу пред околу еден месец најави проширување на најголемата руска база во странство, а руските вооружени сили неодамна учествуваа во заедничка воена вежба со таџикистанската и војските на други средноазиски земји.

По објавувањето на зајакнувањето на базата, претседателот Владимир Путин го обвини Западот дека зад себе оставил хаос со повлекување од Авганистан и ги доведе другите земја во голема опасност.

„Постои опасност терористите и разните групи што нашле засолниште во Авганистан да го искористат хаосот што го оставија зад себе нашите западни партнери“, рече Путин, додавајќи дека можат да предизвикаат ескалација и во соседните земји.

„Тоа е директна закана за нашите сојузници и за нашата земја“, рече рускиот претседател, алудирајќи на земјите во соседството на Авганистан, како што се Таџикистан и Узбекистан.

Шверцот со дрога и илегалната миграција може да се интензивираат, објасни рускиот претседател во говорот на собирот на партијата Единствена Русија, организиран воочи изборите на 19 септември.

„Сето ова се закани за нас и се апсолутно реални“, нагласи рускиот претседател.

Тој, исто така, вети дека нема да дозволи Русија повторно да биде вовлечена во конфликтот.

„Советскиот Сојуз искуси што значи да се задржиш во таа земја подолго време и од тоа искуство извлековме нужни заклучоци“, рече рускиот претседател.

Русија изврши инвазија на Авганистан во 1979 година и во окупацијата што траеше до 1989 година загинаа илјадници советски војници, потсетува агенцијата ДПА.

Шојгу, пак, истакна дека талибанците се здобиле со „големо количество оружје“ на НАТО откако ја преземаа контролата врз Авганистан, и изрази загриженост поради шверцот со дрога, велејќи дека 93 проценти од хероинот што циркулира низ целиот свет денес потекнува од Авганистан.

Русија се надеваше дека САД и нејзините сојузници ќе воспостават контрола над тој проблем, а бројот на плантажи драстично е зголемен, изјави руски претставник.

Легенда под Главна слика

Фото: ЕПА

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе