Русија им забрани влез во земјата на Марк Закерберг и Камала Харис

Москва денес го прошири списокот на лица на кои им е забранет влезот во Русија. Тоа е одговор на санкциите на Западот, во рамки на кои на бројни руски функционери им се забранува влез во западните земји.

EPA-EFE

Најновата руска контрамерка вклучува забрана за влез во Русија на потпретседателката на САД Камала Харис и на основачот на Фејсбук Марк Закерберг. Влез во Русија му е забранет и на портпаролот на Пентагон Џон Кирби.

На листата се наоѓаат 29 американски функционери, новинари и бизнисмени.

„На овие лица им е забранет влезот во Русија на неодредено време“, порача руското министерство за надворешни работи.