Русија им забрани влез во земјата на Бајден и Блинкен

Русија соопшти дека им забранила влез во земјата на 963 американски државјани, вклучително и претседателот Џозеф Бајден и државниот секретар Ентони Блинкен.

Фото: ЕПА

Покрај нив, забрана за влез во Русија има и шефот на Централната разузнавачка агенција (ЦИА), Вилијам Барнс.

Во соопштението Министерството за надворешни работи нагласи дека овој чекор е одговор на санкциите што САД постојано ги воведуваат кон Русија и предупреди дека „непријателските дејствија“ ќе продолжат да добиваат „соодветен одговор“, пренесува РИА Новости.

„Русија не бара судир и е отворена за искрен дијалог со взаемно почитување, одвојувајќи го американскиот народ, кој го почитува, од властите на САД, кои ја поттикнуваат русофобијата и оние што им служат“, соопшти Министерството.

Забраната за влез има само симболично значење, но значи постојано влошување на односите меѓу Русија од една страна и САД и нивните сојузници од друга страна од почетокот на нападот врз Украина на 24 февруари, наведува Ројтерс.

Легенда под Главна слика

Фото: ЕПА

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе