Ќе го смета за закана по животите на руските војници

Русија им се закани на САД: Ќе одговориме доколку го нападнете Дамаск

Русија соопшти дека ќе возврати доколку САД извршат ракетен напад врз сирискиот главен град Дамаск, пренесуваат агенциите.

Началникот на Генералштабот на руската војска Валерија Герасимов кажа денес во Москва дека Русија има „сигурни информации“ дека САД планираа да „организираат“ напад со хемиско оружје врз Источна Гута и за тоа да ја обвинат сириската влада.

Герасимов додаде дека Русија смета дека во тој случај САД би можеле за возврат да го гаѓаат делот од Дамаск во кој се наоѓаат владините институции.

Тој истакна дека Москва евентуалниот ракетен напад врз Дамаск ќе го смета за закана по животите на руските војници кои таму се наоѓаат и дека соодветно ќе одговори.

Москва е клучниот сојузник на сирискиот претседател Башар Ал Асад и беше клучен фактор во пресвртот во сириската граѓанска војна во корист на Асад, откако во 2015 година почна со воздушни напади.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе