Русија им нуди на САД укинување на санкциите поврзани со дипломатските мисии

Москва му понуди на Вашингтон укинување на санкциите кои негативно влијаат врз активностите на дипломатските мисии на двете страни, но остана цврсто на противењето на американско воено присуство во централна Азија.

EPA-EFE

Овој предлог на американската државна потсекретарка Викторија Нуланд ѝ го изнесе заменик шефот на руската дипломатија Сергеј Рјабков.

Нуланд, која вчера допатува во тридневна посета на Москва, ги опиша разговорите со руските функционери како „конструктивни“, не изнесувајќи детали.

Рјабков кажа дека тој и Нуланд не оствариле напредок околу прашањето на нормализација на работата на дипломатските мисии, која е ограничена по повеќето рунди санкции.

Министерството за надворешни работи на Русија денес уште еднаш изрази спремност да одговори на секој непријателски потег на САД, наведувајќи дека Москва не сака понатамошна ескалација.

„Секоја непријателска акција против Русија нема да остане без одговор, но Москва не сака понатамошна ескалација. Ние нудиме укинување на сите ограничувања кои двете страни ги воведоа во претходните неколку години“, наведе министерството.

Русија се согласи да ја тргне Нуланд од листата на лица под санкции за да може да замине во Москва, а САД одговорија со давање виза на рускиот дипломат Константин Воронцов, за да може да присуствува на овонеделната средба во Обединетите нации, наведе Рјабков.

Тој кажа дека со Нуланд разговарал за преговорите за контрола на вооружувањето, ситуацијата во Авганистан и други теми.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе