СПОРЕД РУСКАТА ВОЈСКА

Русија и САД се согласија за сите технички прашања околу летовите во Сирија

Министерството за одбрана на Русија изјави дека наскоро со Пентагон ќе потпише договор за безбедност на летовите над Сирија, откако двете страни се договориле за сите потребни технички прашања.

„Сите технички работи веќе се договорени, а руски и американски адвокати сега го проверуваат текстот на документот“, рече денеска генерал-полковникот Андреј Картаполов на брифинг за медиумите.

Според Картаполов, Москва и Вашингтон „во многу блиска иднина“ ќе го потпишат меморандумот за безбедност на летовите над Сирија.

Руското министерство за одбрана и Пентагон веќе одржаа три видеоконференции со дискусии за договорот, додаде тој.

„Со ова ќе се спречат одредени состојби што може да предизвикаат некаква несреќа во сирискиот воздушен простор за време на воздушните операции од страна на Русија и на коалиционите партнери“, рече Картаполов.

Тој го повтори ставот дека Москва е подготвена да ја прошири соработката за избегнување судир на небото над Сирија со САД и со сите други засегнати страни.

Картаполов, исто така, рече дека Министерството за одбрана воспоставило директен контакт со турската војска за да се избегнат инциденти со руските летови во близина на турската граница.

Воспоставена е и телефонска линија помеѓу руската воздухопловна база во Сирија и командниот центар на израелските воздухопловни сили, за да се координираат летовите над Сирија, истакна портпаролот.

Вчера и денеска Русите и Израелците одржаа заедничка обука за да се избегнат инциденти во сирискиот воздушен простор, додаде Картаполов.

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе