По најавата за бркање дипломати

Русија ѝ испрати протестна нота на Грција и го повика на разговор грчкиот амбасадор во Москва

Руското Министерство за надворешни работи денеска го повика на разговор грчкиот амбасадор во земјата, Андреас Фриганас, и му предаде протестна нота поради протерувањето двајца руски дипломати од Грција.

Москва „упати остар протест поради најавата за протерување двајца руски дипломати и забраната за влез на грчка територија на двајца други руски граѓани“, соопшти Министерството за надворешни работи.

Се истакнува дека Русија ги смета овие дејства за „апсолутно неосновани“, дека Грција не ги поткрепила со факти и дека се спротивни на карактерот на нивните билатерални односи, на кои „ова дејство може сериозно да им наштети“.

„Очигледно, Вашингтон стои зад ваквата антируска одлука на грчката влада, што беше темпирано на отворањето на самитот на НАТО и отворено беше поддржано од изјава на Стејт департментот“, вели Министерството.

Грција во средата објави дека ќе преземе „мерки за заштита на националните интереси“, по наводното мешање на руски официјални лица во решавањето на спорот за името на Република Македонија.

Русија обвиненијата од Атина ги отфрли како целосно неосновани и рече дека Москва ќе одговори на протерувањето на руските дипломати од Грција со протерување двајца грчки дипломати од земјата.

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе