Русија и Белорусија започнаа големи воени вежби, некои членки на НАТО се загрижени

Русија и Белорусија свечено ги отворија големите воени вежби, кои ќе траат една недела и ќе се одржуваат на територијата на двете земји и во Балтичкото Море, што ги загрижи некои членки на НАТО.

Фото: ЕПА

Високи воени претставници на двете земји присуствуваа на свеченото отворање на вежбите наречени „Запад-2021“ во западна Русија.

Активниот дел од вежбите, кои се одржуваат во време на високи тензии меѓу Западот и Белорусија, поради насилното гушење на белоруската опозиција, започнува во петок и ќе трае до 16 септември.

Министерството за одбрана на Русија објави дека ќе учествуваат до 200.000 војници, околу 80 авиони и хеликоптери, до 15 бродови и скоро 300 тенкови.

Вежбите ќе вклучуваат вистинска муниција и се кулминација на поголеми квартални вежби.

Ќе учествуваат и војници од Ерменија, Индија, Казахстан, Киргистан и Монголија, според руското министерството за одбрана.

Официјални претставници на НАТО предупредија дека вежбите, кои следат по големата акумулација на руски воени сили на украинските граници претходно оваа година, ќе го зголемат ризикот од несреќи и лоши проценки што може да предизвика криза.

Рускиот заменик-министер за одбрана Николај Панков рече дека вежбите се чисто од одбранбена природа и ќе им овозможат на Москва и Минск да ја подобрат воената соработка.

Вежбите се отворени на денот кога рускиот претседател Владимир Путин и белорускиот претседател Александар Лукашенко се сретнаа во Кремљ.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе