Руско Министерство за одбрана

Русија го продолжува учеството во договорот за житото

Посредувањето на ОН и Турција помогна да се добијат писмени гаранции од Киев, вели војската.

Фото: ЕПА

Русија го продолжи своето учество во договорот со посредство на Турција и ОН за извоз на украинско жито преку Црно Море, објави денеска Министерството за одбрана.

Москва се согласи да ја повлече суспензијата откако доби писмени гаранции од Киев дека нема да го користи безбедносниот коридор обезбеден од Русија за воени цели, се вели во соопштението.

„Во овој момент, Руската Федерација смета дека издадените гаранции се доволни“, истакна Министерството.

Одлуката на Москва да го прекине учеството во договорот беше објавена минатата недела, откако руската војска ја обвини Украина дека го користи коридорот за напад со беспилотни летала врз пристаништето Севастопол.

Во денешното соопштение им се припишуваат заслуги на ОН и на Турција за обезбедувањето на писменото ветување од Киев. Договорот, за кој првпат беше преговарано во јули, е технички збир од два трилатерални договори меѓу двата посредници и Русија и Украина.

Легенда под Главна слика

Фото: ЕПА

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе